Волейболын шүүгчийн сургалтын бүртгэл өнөөдөр дуусна

Монголын волейболын холбооноос Улаанбаатар хотноо энэ сарын 13-17-ны өдрүүдэд болох олон улсын шүүгчийн сургалтыг зохион байгуулах гэж байна.

Сургалтын бүртгэл Монголын волейболын холбоон дээр энэ сарын 3-6-ны өдрүүдэд болж, өнөөдөр сургалтын бүртгэлийн хугацаа дуусч байна. Энэхүү сургалтыг Олон улсын волейболын холбооны зааварлагч, БНХАУ-ын иргэн, ноён Сун Жиан Хуй удирдан явуулах аж.

Сургалт тав хоног үргэлжлэх бөгөөд амжилттай суралцагсдад Олон улсын волейболын холбооны батламжийг гардуулах аж.