“Яармагийн цом” спорт наадам болж байна

Хан-Уул дүүргээс жил бүр зохион явуулдаг “Яармагийн цом” спорт наадам өнөөдөр 9 дахь жилдээ 118 дугаар сургууль дээр болж байна.

Спорт наадамд дүүргийн 11 хорооны төрийн байгууллагууд ажилтан, албан хаагчид оролцож байгаа бөгөөд энэ жил 5 төрөлд 18 багийн нийт 600 орчим тамирчин хурд хүч, авьяас чадвараа сорин өрсөлдөж байгаа юм.

Энэхүү тэмцээний нээлтэд Нийслэлийн Засаг даргын орлогч, НИХ-ын төлөөлөгч Ц.Буяндалай, ХУД-ийн ИТХ-ын дарга Д.Батбилэг, дүүргийн Биеийн тамир спортын хорооны дарга Б.Мөнх-Эрдэнэ болон бусад албаны хүмүүс оролцож нийт баг тамирчдад амжилт хүслээ.