Ямаа 3,5 сая ам.долларын үнэ хүрэв

Саудын Араб улсын нэгэн бизнесмен ямаагаа 3,5 сая ам.долларын үнэ хүргэн худалдсан байна. Энэ ямаа нь ховор үүлдрийн ямаа хэдий ч шинжээчид үнэ нь арай л өндөр байсныг хэлжээ. Эр-Рияд хотноо болсон энэ худалдааг интернэтээр зарласан аж. Ганц ямааг ийм өндөр үнэ хүргэснийг эсэргүүцэх хүмүүс ч гарчээ. Ямаанд онцлог шинж байгаа ч жирийн л мал гэдгийг хэлэх хүн олон байсан гэнэ. Тэрчлэн Сирийн дүрвэгсэд хүнд хэцүү нөхцөлд амьдарч байхад ямаанд ач холбогдол өгснийг шүүмжилсэн байна.