Япончууд олимпын тамирчиддаа өмсгөх хувцсаа албан ёсоор танилцууллаа
Мөн ёслолын төрлийн хоёр дахь дүрэмт хувцастай бөгөөд энэ нь гүн цэнхэр хүрмэн дээр цагаан өмд эсвэл юбка хослуулан өмсөх юм байна.
Мэдээллийн алба
Япон Улс өчигдөр “Токио-2020” зуны XXXII олимпын наадамд болон “Токио-2020” зуны XVI паралимпын наадмын нээлтийн үйл ажиллагаанд өмсөх тамирчдынхаа дүрэмт хувцсыг албан ёсоор танилцууллаа.
Японы хувцас загварын “Aoki Inc” компанийн урласан энэхүү хувцас нь сонгодог цагаан хүрмэн дээр олимпын таван цагираг мөн мандаж буй нарны далбаатай ба доогуур нь улаан өмд эсвэл юбка хослуулж өмсөх аж.
Мөн ёслолын төрлийн хоёр дахь дүрэмт хувцастай бөгөөд энэ нь гүн цэнхэр хүрмэн дээр цагаан өмд эсвэл юбка хослуулан өмсөх юм байна.
Японы олимпын наадам болон паралампын наадмын нээлтийн ажиллагаанд оролцох тамирчид нь бүгд ижилхэн хувцаслана.
Учир нь ижил тэгш хувцаслах нь хүртээмжтэй нийгэмд бүгд нэг зорилго дор ялгаварлалгүй, эрх тэгш өрсөлдөх ёстой гэсэн агуулгатай ажээ.
Сонирхуулахад, 1964 оны анхны Токиогийн олимпын наадамд оролцсон тамирчид ч гэсэн улаан хүрэм, цагаан өмдтэй байжээ.
