Японд хар салхи боллоо

“Мань-йи” хар салхи салхилж эхэлсэн учраас Японд 30 мянга гаруй өрхийг нүүлгэн шилжүүлж эхэлсэн тухай ИТАР-ТАСС мэдээллээ.

Хонсю арлын Токио дүүрэгт төмөр замын хөдөлгөөнийг зогсоожээ. Одоогоор 10 орчим хүн гэмтэж бэртээд байна.

Хар салхи хүчтэй аадар бороо дагуулж байгаагаас гадна салхины төв хэсэг нь 34 м/с хурдтай гэнэ. Гол, мөрний усны түвшин нэмэгдэж эхэлсэн учраас хөрсний нуранги болох эрсдэлтэй байгаа ажээ.