Загварын 7 хоног үргэлжилж байна

25 дахь жилдээ зохион байгуулагдаж буй “Гоёл 2013” наадмын загварын 7 хоног өчигдөр эхэлсэн. Энэ жил 30 гаруй дизайнер өдөр тутмын, гоёлын, үндэсний, спортын гэсэн дөрвөн төрлөөр ур ухаанаа уралдуулж, эмэгтэй 60, эрэгтэй 20 загвар өмсөгч тэдний бүтээлийг амилуулж байна. Загварын 7 хоног “Blue sky” цамхагийн Кристалл зааланд 11 сарын 25-28-ны өдрүүдэд явагдана. Харин оны шилдэг дизайнер, оны шилдэг загвар өмсөгчийг тодруулдаг “Гала” тоглолт, шагнал гардуулах ёслолын ажиллагаа 11 сарын 30-нд 18 цагаас СТӨ-нд эхэлнэ.