Зохиолчдын гарын үсэгтэй номыг худалдан авлаа

Найрсаг Улаанбаатар хөтөлбөрийн хүрээнд “Ulaanbaatar book fair” олон улсын номын баяр Чингис хааны нэрэмжит талбайд өнгөрсөн амралтын өдрүүдэд боллоо.

Энэ үеэр олон улсын соёлын үзэсгэлэн үзэх, “Ном яръя, кофе ууя” чөлөөт орчин, “Уншлагын баяр”, Дэлхийн өнцөг булан бүрээс ирсэн хүүхдүүдтэй уулзах, ахмад зохиолчдын хүндэтгэлийн арга хэмжээ, зохиолын дүрийн тоглолтууд, номын сангийн өдөрлөг, үзэсгэлэн, номын шагналтай тэмцээн уралдаанаас гадна ном хэвлэлийн байгууллагууд номоо 20-50 хувийн хямдралтай худалдаалсан юм.

Уншигчдын хувьд яруу найрагч П.Бадарч, Г.Мэнд-Ооёо, Б.Ойдов, орчуулагч Ж.Нэргүй нарын гараас гарын үсэгтэй номыг нь худалдан авсан нь хамгийн их олз байлаа.