Зууны манлай дуучин Н.Норовбанзадын нэрэмжит олон улсын анхдугаар уралдаан болно

Энэ онд Монгол Улсын Төрийн шагналт, Ардын жүжигчин, Хөдөлмөрийн баатар, Зууны манлай уртын дууч Намжилын Норовбанзадын 85 насны ой тохиож байгаа билээ.

Монгол Улсын Соёл Урлагийн Их Сургууль, "Норовбанзад" сан, Монголын уртын дууны холбоо хамтран Монгол Улсын төрийн шагналт, Ардын жүжигчин, Хөдөлмөрийн баатар, Зууны манлай уртын дууч Намжилын Норовбанзадын нэрэмжит уртын дуучдын Олон улсын анхдугаар уралдааныг зохион байгуулахаар болжээ. 2016 оны есдүгээр сарын 8-10-ны өдрүүдэд Улаанбаатар хотноо болох тус уралдаанд оролцогчдыг есдүгээр сарын 5-ны өдөр 09:00-17:00 цагийн хооронд СУИС-ийн 211 тоотод бүртгэнэ.