Халтиргаа гулгаа үүсэхээс урьдчилан сэргийлж давс бодис цацаж байна

Баянзүрх дүүргийн хэмжээнд нийтийн эзэмшлийн зам талбайг цэвэрлэгээ үйлчилгээний зургаан байгууллагын 37 ИТА, 185 зам талбайн үйлчлэгч, 59 жолооч, ачигч нийт 281 хүний бүрэлдэхүүнтэй хог тээврийн 16 машин, 8 тусгай механизм, 16 бичил төхөөрөмжөөр цэвэрлэж байна.

Хариуцсан авто зам болон явган зам дээр халтиргаа гулгаа үүсэхээс урьдчилан сэргийлж давс бодисын 112 хайрцагт дүүргэлт хийж, Энхтайваны өргөн чөлөө, Доржийн гудамж, Сансар, Нийслэл хүрээ, Нарны зам, Уулын арын зам, Жамсран уул, Монел, Дүнжингарав, Дарь-Эхийн зам, Налайх, Гачуурт, Хужирбулан, Улиастайн зам, Улиастайн шинэ эцэс зэрэг замуудад давс бодис цацаж байна.

Дүүргийн хэмжээнд 257 тонн бодис, 489.5 тонн давс, 277 шоо метр дайргын нөөцийн үлдэгдэлтэй байна.