“Лос Анжелес таймс” сэтгүүл түүхэндээ байгаагүй их хэмжээний цомхотгол хийнэ

АНУ-ын хамгийн том хэвлэл мэдээллийн хэрэгслүүдийн нэг болох ЛосАнжелесТаймс сэтгүүл нийт ажилчдынхаа 20 хувь буюу багадаа 115 ажилчнаа цомхотгоно гэдгээ мэдэгджээ. 142 жилийн түүхтэй энэ сэтгүүл түүхэндээ анх удаа ийм олон ажилчнаа алдахад хүрч байгаа юм байна.

Шалтгаан нь уг сэтгүүл сүүлийн жилүүдэд жилдээ 30-40 сая долларын алдагдалтай ажиллаж, санхүүгийн хямралтай байгаагаас ийм шийдвэрт хүрсэн гэж сэтгүүлийн захирал Патриз Сүн Шион мэдээлжээ. Уг шийдвэр нь сэтгүүлийн ирээдүйг тогтвортой хадгалахад чухал нөлөөтэй шийдвэр гэж тэрээр дурдсан байна.