Монголын ширээний теннисний охид, хөвгүүдийн баг хүрэл медаль хүртжээ

ОХУ-ын Чита хотод Олон улсын хүүхдийн спортын ХII наадам есдүгээр сарын 20-26-ны өдрүүдэд болж байгаа билээ. Энэ наадамд ОХУ, Монгол, БНХАУ-ын нийт 783 тамирчин өрсөлдөж байгаа аж.

Тус наадмын ширээний теннисний багийн төрөлд дасгалжуулагч Л.Баярмагнайгийн удирдлага дор оролцож буй Монгол Улсын охид, хөвгүүдийн баг хоёул хүрэл медаль хүртжээ.

Монголын баг тамирчдын тус наадмын медалийн салхийг хагалсан теннисчид маань өнөөдөр ганцаарчилсан төрөлд өрсөлдөх юм. Монголын хөвгүүдийн багийн бүрэлдэхүүнд З.Халиунсайхан, Г.Жавхлан, Д.Төрмөнх, Б.Тэмүүлэн нар багтаж байгаа бол охидын багт З.Түмэнжаргал, Г.Хүслэн, Д.Маргад, А.Бүжинлхам нар байна.