ӨНӨӨДӨР: Жузеппе Вердигийн “Риголетто” дуурь тайзнаа анх удаа тавигджээ

Өнөөдөр буюу гуравдугаар сарын 11 нь Григорийн тооллын жилийн 70 дахь өдөр, билгийн тооллын хаврын тэргүүн цагаан бар сарын 23-ны өдөр тохиож байна. Наран 07:14 цагт мандаж, 18:51 цагт жаргана.

Энэ өдөр дэлхийн түүхэнд дараах онцлох үйл явдлууд өрнөжээ.

Эрт үе ба дундад зуун

222: Ромын эзэн хаан Элагабалусыг эхийнх нь хамт хороожээ. Босогчид тэдний цогцсыг Ром хотын гудамжаар чирч, Тибер мөрөнд хаясан гэдэг.

1708: Английн хатан хаан Анна Шотландын цэргийн байгууллагыг шинэчлэх хуульд гарын үсэг зуржээ.

1784: Мангалорын гэрээнд гарын үсэг зурснаар Англи болон Мисорын эзэнт гүрний хооронд өрнөсөн хоёрдугаар дайн албан ёсоор өндөрлөв.

XIX зууны үйл явдлууд

1824: Америкийн Нэгдсэн Улсын Дайны асуудал хариуцсан яам Уугуул америкчуудын харилцааны хороог байгуулжээ.

1851: Италийн алдарт хөгжмийн зохиолч Жузеппе Вердигийн “Риголетто” дуурь Венец хотын тайзнаа анх удаа тавигджээ.

1861: Америкийн иргэний дайны үеэр Холбоот улсуудын үндсэн хууль батлагдав.

1864: Английн Шеффилд хотод үер бууж 238 хүн амиа алджээ.

1872: Их Британийн хамгийн том нүүрсний уурхайг байгуулах ажил Өмнөд Уэльст эхэлжээ.

1879: Рюүкюүгийн хаант улсын хаан Шо Тай эрх мэдлээсээ татгалзаж, тус улс Японы захиргаанд шилжжээ.

XX зууны үйл явдлууд

1913: Хаант Оросын Гадаад явдлын сайд Сергей Сазонов Монголын төлөөлөгчдийг Санкт-Петербург хотноо хүлээн авч уулзжээ.

1917: Дэлхийн нэгдүгээр дайны үеэр генерал Стэнли Моадын удирдсан Англи-Энэтхэгийн цэрэг Багдад хотыг эзлэн авав.

1918: Испани ханиадны анхны тохиолдол бүртгэгдсэн гэж үздэг.

1941: АНУ-ын Ерөнхийлөгч Франклин Делано Рузвельт холбоотон орнуудад зэвсэг, техник нийлүүлэх “Ленд-лиз”-ийн тухай хуульд гарын үсэг зурав.

1977: АНУ-ын нийслэл Вашингтон хотод байрлах нэгэн барилгад Ханафи хөдөлгөөний зэвсэгт этгээдүүд 130 гаруй хүнийг барьцаалсан хэрэг гарчээ.

1978: Палестины Фатах бүлэглэл Израилийн автобус руу халдлага үйлдсэний улмаас 37 хүн амиа алдаж, 70 гаруй хүн шархаджээ.

1990: Литва улс Зөвлөлт Холбоот Улсаас албан ёсоор тусгаар тогтнолоо зарлав.

Орчин үе

2007: Абхазын Кодори хөндийд ОХУ-ын нисдэг тэрэг нэвтэрсэнтэй холбогдуулан Гүрж улс ОХУ-д шаардлага хүргүүлжээ.

2009: Германы Винненден хотын сургуульд буудалцаан болж 16 хүн амиа алджээ.

2010: Чили улсын ерөнхийлөгчийн тангараг өргөх үеэр 6.9 магнитудын хүчтэй газар хөдлөлт болсон байна.

2011: Японы Сендай хотын орчимд 9.0 магнитудын хүчтэй газар хөдлөлт, цунами болж, Фүкүшима Дайичи цөмийн цахилгаан станц ноцтой осолд оржээ.

2012: Афганистаны Кандагар мужийн Панжвай дүүрэгт Америкийн цэрэг гал нээсний улмаас 16 энгийн иргэн амиа алджээ.

2016: Бразилийн Сан Паулу хотод аадар борооны улмаас үер болж, 21 хүн амиа алдсан байна.

2020: Дэлхийн эрүүл мэндийн байгууллага "Ковид-19" халдварыг албан ёсоор цар тахал гэж зарлав.

2021: АНУ-ын Ерөнхийлөгч Жо Байдены санаачилсан 1.9 их наяд ам.долларын эдийн засгийг дэмжих багц хөтөлбөр хэрэгжиж эхэлжээ.