Б.Номин-Эрдэнэ Азийн наадамд хоёр дахь удаагаа оролцож байна

"Айчи-Нагояа 2026" Азийн наадмын чөлөөт бөхийн тэмцээнд Монголоос хоёр шүүгч томилогдон ажиллаж байгаагийн нэг нь олимпын зэрэглэлийн шүүгч Б.Номин-Эрдэнэ юм.

Тэрбээр өмнө нь "Гуанжоу-2010" Азийн наадамд чөлөөт бөхийн тамирчны хувиар оролцож байсан.

Түүнчлэн 2023 болон 2024 онуудад ахмадын ДАШТ-д, 2025 онд "Польш-опен" Олон улсын тэмцээнд, "Бахрейн-2025" Азийн Залуучуудын наадамд, өнөө жил U17 ангиллын Азийн АШТ-д шүүгчээр ажилласан туршлагатай.

Энэ удаагийн Азийн наадмын чөлөөт бөхийн тэмцээнийг түүний хамтаар олимпын зэрэглэлийн шүүгч Б.Алтангадас дэнслэн ажиллаж байна.