Шууд Chart

Хамтарсан сургалт, дадлагын бэлтгэлийг хангаж байна

2021-09-17 12:19:35

Онцгой байдлын ерөнхий газраас  ОХУ-ын Байгалийн эрэн хайх, аврах отрядтай  хамтран “Хөвсгөл нуурт живсэн техник хэрэгслийг илрүүлэх сургалт, судалгаа хамтарсан дадлага”-ыг зохион байгуулахаар бэлтгэл ажлыг хангаж байна.

Сургалтын удирдагчаар ОБЕГ-ын Захиргааны удирдлагын газрын дарга, хурандаа Л.Болдбаатар ажиллах бөгөөд сургалт энэ сарын 20-27-ны өдрүүдэд Хөвсгөл нуурт болно.

Сургалтад ОБЕГ, ОХУ-ын Онцгой байдлын яам, Байгалийн эрэн хайх, аврах отряд, Үндэсний аврах бригад, Хөвсгөл аймгийн Онцгой байдлын газраас нийт 38 алба хаагч оролцох юм.

Алба хаагчид тусгай зориулалтын багаж ашиглан Хөвсгөл нуурын ёроолын болон живсэн автомашин техникийн байршлыг тогтоох, усны тусгай зориулалтын дрон төхөөрөмжийг ашиглан Хөвсгөл нуурт живсэн автомашин, техникийн байрлалын зураглал гарган, гүний шумбалтын онол, дадлагыг зохион байгуулж, ачаа өргөгч хөвөгч понтоныг ашиглах, аюулгүйн ажиллагааны талаар сургалт, судалгаа, дадлагын үеэр мэдлэгээ дээшлүүлнэ гэж Онцгой байдлын ерөнхий газраас мэдээллээ.


Хамтарсан сургалт, дадлагын бэлтгэлийг хангаж байна  
Үзсэн: 380 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй