Шууд Chart

ШУУРХАЙ МЭДЭЭ: Монголд ирсэн франц иргэнээс коронавирус илэрчээ

2020-03-10 08:31:13

2020 оны 03 дугаар сарын 02-ны өдөр Москва-Улаанбаатар чиглэлийн “Аэрофлот” компанийн онгоцоор ирсэн Бүгд Найрамдах Франц Улсын иргэнээс Шинэ коронавирусийн халдвар илэрлээ. Тухайн иргэнийг Дорноговь аймагт тусгаарлан, давтан шинжилгээ хийж эхний хариуг баталгаажуулах юм.

Нэгдүгээр хавьталд орсон 120 гаруй хүнийг тусгаарлан шинжилгээ авч, дам хавьталд орсон 500 гаруй хүнийг олж тогтоож байна. Энэ хугацаанд Баянгол, Веранда, Ариг ресторан, ICC Tower-т очиж үйлчлүүлсэн иргэд өөрсдийгөө тусгаарлан, сэжигтэй шинж тэмдэг илэрвэл Халдварт өвчин судлалын үндэсний төвд хандахыг зөвлөж байна. Франц Улсаас зөөвөрлөгдөн ирсэн халдварыг тархахаас сэргийлж нийслэл, аймаг, сумаас гарах хот хоорондын зорчигч тээвэр болон хувийн тээврийн хэрэгсэл, орон нутгийн нислэг, суудлын галт тэрэгний хөдөлгөөнийг 2020 оны 03 дугаар сарын 10-ны өдрийн 07.00 цагаас 2020 оны 03 дугаар сарын 16-ны өдрийн 07.00 цаг хүртэл зогсоолоо.

Зайлшгүй шаардлагаар нийслэл, аймаг, сум руу зорчих бол нийслэл, аймгийн Онцгой комисст хүсэлтээ гаргаж зөвшөөрөл авах ёстой. Бүгд Найрамдах Франц Улсын иргэн Дорноговь аймгийн Улаанбадрах суманд үйл ажиллагаа явуулдаг “Бадрах Энержи” компанид ажилладаг. Нутагтаа 10 гаруй хонохдоо гэрийн ойролцоох дэлгүүрээр үйлчлүүлсэн, сүүлийн 14 хоногт зэрлэг мал, амьтан, сэг зэмтэй харьцаагүй, далайн захаар яваагүй, ойролцоох мужийн Зеблин дүүрэгт халдварын нэг тохиолдол бүртгэгдсэн гэж өгүүлжээ. 

Монгол Улсад ирж Баянгол зочид буудалд байрлахад нь 14 хоног өөрийгөө тусгаарлаж, ажиглах  зөвлөмж өгсөн ч хайхраагүй байна. Улмаар 2020 оны 03 дугаар сарын 07-ны өдөр Улаанбаатар-Сайншанд чиглэлийн галт тэргээр явж Дорноговь аймгийн Улаанбадрах суманд байх “Бадрах Энержи” компанийн “Зөөгч Овоо” кэмпэд байрлажээ. Түүнээс хойш халуурах, хамар битүүрэх, хоолны дуршил муудах зэрэг шинж тэмдэг илэрсэн байна. Өнөөдрийн байдлаар биеийн байдал нь тогтвортой, халуунтай байна.

Улсын онцгой комисс, Эрүүл мэндийн яам, тагнуул, цагдаа, мэргэжлийн хяналт зэрэг холбогдох бүх байгууллага шаардлагатай арга хэмжээг авч байна. Иргэд айж тэвдэлгүй, аль болох гэртээ байх, гараа тогтмол угаах, гадуур явах бол амны хаалт заавал зүүхийг Улсын онцгой комисс дахин зөвлөлөө гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.


ШУУРХАЙ МЭДЭЭ: Монголд ирсэн франц иргэнээс коронавирус илэрчээ  
Үзсэн: 56163 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
зочин [127.0.0.xxx] 2020-03-10 14:31
14 хоног тусгаарла гээд байхад биелүүлээгүй хүн уулзсан учирсан орсон гарсанаа үнэн хэлэхүү бас л эргэлзээтэй Францад гэрийн ойролцоох дэлгүүрээр л орсон гээд байгаа бас л худлаа тэгж хэлсэнээрээ Монголоос авсан болгох гээд байна уу новш чинь дандаа худлаа хэлж байгаа шүү наадах чинь сэрэмжил анхаар
Зочин [127.0.0.xxx] 2020-03-10 11:49
Үнэн юм уу
Зочин [127.0.0.xxx] 2020-03-10 10:34
Эмнэлэг хамгийн эрсдэл өндөртэй газар. Эмх замбараагүй байдал үүсэхээс сэргийлж эмнэлэгүүдийг цэрэгжүүлэх хэрэгтэй... эмч мэргэжилтний хомосдол удахгүй үүснэ.
Зочин [127.0.0.xxx] 2020-03-10 09:50
Цар тахал гэж ДЭМБ албан ёсоор зарлаагүй байхад бүх хөдөлгөөнийг 100% хаах эрх, санаачлага гаргах эрх УОК-д байхгүй байх л даа. Монгол Улсын УОК, Эрүүл мэнд, Цагдаагийн байгууллагын хамт олондоо ажлын амжилт хүсье. Гэхдээ 3 сая гаруй хүнийг (цөөн хүнтэй улс орныг) хамгаалах аргачлал шинээр шуурхай боловсруулах хэрэгтэй болов уу гэсэн санал байна.
Зочин [127.0.0.xxx] 2020-03-10 13:00
Харин яг үнэн бичжээ. Агаарын хилийг бүтэн хаах эрх байхгүй байсан гь тодорхой. Юмны учир мэдэхгүй байж амныхаа зоргоор дайрдаг хүмүүс боль! Эсвэл халуун цэгт очиж ажиллаж зовлонг нь мэдэрцгээ!
зочин [127.0.0.xxx] 2020-03-10 09:30
франц эрчүүд мэдээж хүүхэнгүй олон хонож чадахгүй манайхны хормой султнуудыг шалга
Бэв [127.0.0.xxx] 2020-03-10 16:58
Сул мой. Бэв мой.
Зочин [127.0.0.xxx] 2020-03-10 09:23
Mongolchudmen irvl mende hamgaly
Зочин [127.0.0.xxx] 2020-03-10 09:12
ilersn ymuu eswel baij bolzoshq ymuu 2 oor ym bhin
Уур [127.0.0.xxx] 2020-03-10 08:52
Гадна дотны золбин юмнуудаас болж халдвар бүртгэгдчихлэээ. Хилээ анхнаасаа тас хаах байсан юм.

Бидэнтэй нэгдээрэй