Шууд Chart

Монгол цэргүүд Улаан-Үүд хотод цэргийн ёслолын жагсаалаар алхана

2021-05-07 17:52:55

Аугаа их Эх орны дайны ялалтын 76 жилийн ойн удахгүй тохионо. Түүхт ойг тохиолдуулан Монгол Улсын Зэвсэгт хүчний Жанжин, ОХУ-ын Дорнод цэргийн тойргийн хамтын ажиллагааны хүрээнд Монгол Улсын Зэвсэгт хүчний бүрэлдэхүүн ОХУ-ын Бүгд Найрамдах Буриад улсын нийслэл Улаан-Үүд хотод зохион байгуулагдах цэргийн ёслолын жагсаалд оролцохоор ОХУ-ыг зорьсон юм.

Тодруулбал, Зэвсэгт хүчний Тусгай хүчний цэргийн штабын дарга, бригадын генерал Л.Гансэлэмээр ахлуулсан Монгол Улсын Зэвсэгт хүчний 75 цэргийн алба хаагч өнөөдрөөс Улаан-Үүд хотод нэгдсэн бэлтгэлдээ ороод байна. Цэргийн ёслолын жагсаал 5 дугаар сарын 9-ний өдөр явагдах бөгөөд энэ тухай мэдээллийг тухай бүрт нь та бүхэндээ хүргэнэ. Монгол Улсын Зэвсэгт хүчний хувьд 2015, 2020 онуудад буюу Аугаа их Эх орны дайны ялалтын 70, 75 жилийн ойн цэргийн ёслолын жагсаалд оролцож, ОХУ-ын Москва хотын төв талбайд монгол цэргийн сүр хүч, цог золбоог олон улсад сурталчлан таниулж чадсан билээ гэж Зэвсэгт хүчний Жанжин штабаас мэдээллээ.


Монгол цэргүүд Улаан-Үүд хотод цэргийн ёслолын жагсаалаар алхана  
Үзсэн: 2783 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй