Шууд Chart

Орон сууц мөргөсөн зам тээврийн ослыг шалгажээ

2022-01-25 08:25:45

Өчигдөр буюу 2022 оны нэгдүгээр сарын 24-ний өдрийн 13.00-14.00 цагийн орчим ХУД-ийн нутаг дэвсгэр 15 дугаар хороо К ЭЙЧ хотхоны гадаа G500 маркийн тээврийн хэрэгсэл байр мөргөсөн гэх дуудлага мэдээлэл иржээ.
 
Мэдээллийн дагуу тус дүүргийн Цагдаагийн газрын Замын цагдаагийн хэлтсээс үзлэг, шалгалт хийхэд тухайн автомашины жолооч М нь хүүхдээ шүдний эмнэлэгт үзүүлэх зорилгоор автомашины зогсоолд зогсохдоо арааг зогсоолын байрлалд шилжүүлэхгүйгээр бууж, улмаар сандралд орж зогсоох арга хэмжээ авахдаа хаазыг андуурсаны улмаас байрыг мөргөсөн байна.
 
Жолоочийн согтолтын зэргийг шалгахад 0 хувь гарсан байна.
 
Тээврийн хэрэгсэл жолоодож хөдөлгөөнд оролцохдоо болон зогсоол, талбайд автомашинаа байрлуулахдаа аюулгүй байдлыг хангаж байхыг Тээврийн цагдаагийн албанаас анхааруулж байна.

Орон сууц мөргөсөн зам тээврийн ослыг шалгажээ   
Үзсэн: 1144 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй