Шууд Chart

“Бид бүгдийг чадна" өдөрлөг болно

2022-09-22 15:11:27

Хөгжлийн бэрхшээлтэй хүний хөгжлийн ерөнхий газар, Хөгжлийн бэрхшээлтэй хүүхдийн сэргээн засах хөгжлийн төв хамтран есдүгээр сарын 21-ний өдөр “Хөгжлийн бэрхшээлтэй хүүхэдтэй эцэг, эхэд сэтгэл зүйн зөвлөгөө өгөх, чадавхжуулах” сургалтыг зохион байгууллаа.

Хөгжлийн бэрхшээлтэй хүүхэдтэй эцэг, эхэд бүлгийн сэтгэл зүйн зөвлөгөө өгөх болон тулгардаг түгээмэл асуудлуудыг тодорхойлох, түүнийг хэрхэн даван туулж буй туршлага солилцох, боловсрол, нийгмийн халамж, хөнгөлөлт, тусламжийн талаарх мэдээлэл хүргэх зорилготой.

Тус уулзалт, сургалтад Хөгжлийн бэрхшээлтэй хүүхдийн сэргээн засах хөгжлийн төвд хэвтэн эмчлүүлж байгаа хөгжлийн бэрхшээлтэй хүүхдүүдийн 20 гаруй эцэг, эх хамрагдсан бөгөөд хүүхдийн оношилгоо, үнэлгээ, боловсролын хүртээмжгүй байдал, хүүхэдтэй хэрхэн ажиллах, сургууль, цэцэрлэгийн багш, ажилчдын хөгжлийн бэрхшээлийн талаарх ойлголт, хандлагыг өөрчлөх, арга зүйгээр хангах зэрэг өөрсдийн тулгамдаж буй асуудал, санал сэтгэгдлээ харилцан ярилцаж ганцаарчилсан зөвлөгөөг авч цаашид сэтгэл зүйн болон бусад зөвлөгөө, мэдээллийг тогтмол авч байх хүсэлтэйгээ илэрхийлсэн олон чухал сэдвүүдийг хөндөж харилцан туршлага, мэдээлэл солилцсон үр дүнтэй уулзалт, сургалт болж өндөрлөлөө гэж Хөгжлийн бэрхшээлтэй хүний хөгжлийн ерөнхий газраас мэдээллээ.


“Бид бүгдийг чадна" өдөрлөг болно  
Үзсэн: 73 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй