Япон Улсын Засгийн газраас хэрэгжүүлж буй “Залуу удирдагч” тэтгэлэгт хөтөлбөрт хамрагдах хүсэлтийг хүлээн авч эхэллээ. Тус хөтөлбөрийн хүрээнд нэг жилийн магистрын курст суралцах боломжтой, тодорхой болзол хангасан, ялангуяа англи хэлээр лекц бүрэн чадвар бүхий нэг хүнийг сонгон нэр дэвшүүлэх юм байна. 

Нэр дэвшигчийн материалыг 2018 оны 11 дүгээр сарын 23-ны дотор Монгол Улсад суугаа Япон Улсын Элчин сайдын яаманд ирүүлнэ. Эхний шалгаруулалтад тэнцсэн нэр дэвшигчийг хүлээн авах сургуулиас багш нар хүрэлцэн ирж, мэргэжлийн болон хэлний шалгалт авч, хоёрдугаар шалгаруулалтыг явуулна. Үүний дараа Япон Улсын Боловсрол, соёл, шинжлэх ухааны яамны “Залуу удирдагч хөтөлбөр”-ийн комисс гурав дахь шалгаруулалтыг явуулж, эцсийн шийдвэрийг гаргана. Эцсийн шалгаруулалтыг энэхүү хөтөлбөрт хамрагдаж буй дэлхийн бусад орны нийт нэр дэвшигчдийн дунд явуулах тул болзол хангасан нэр дэвшигч бүр тэнцэх боломжгүй аж.

Япон Улсын Засгийн газрын “Залуу удирдагч” тэтгэлэгт хөтөлбөрийн талаарх дэлгэрэнгүй мэдээллийг Монгол Улсад суугаа Япон Улсын Элчин сайдын яам болон ЭНЭ  цахим хуудаснаас аваарай.