Шууд Chart

Онгийн голын гүүр ашиглалтад орлоо

2021-08-02 17:51:14

Дундговь аймгийн Сайхан-Овоо сумын нутаг Онги голын 54.8 м урт төмөр бетон гүүрийн нээлт болов. Зам, тээврийн хөгжлийн яамны захиалгаар уг гүүрийн зураг төслийг “ГБЭТ” ХХК зохиож, “Зам Замын Байгууламж” ХХК барьсан бөгөөд Зам, тээврийн хөгжлийн төв ТӨҮГ техник, технологийн хяналт тавьж ажилласан байна.

Гүүрийн барилгын ажлыг 2020 оны тавдугаар сард эхлүүлж өнгөрсөн зургадугаар сард бүрэн дуусгажээ. 260 м урт хайрган хучилттай авто зам, 130 м урт эргийн чулуун бэхэлгээ, 80 м урт далангийн налуугийн чулуун бэхэлгээтэй гүүрийг “ЗЗБ” ХХК-ийн ерөнхий инженер А.Жавхлантөгс ахлагчтай 30 гаруй ажилтан 17 ш машин механизм, тоног төхөөрөмжтэйгээр батлагдсан зураг төсөл, техникийн шаардлага, гэрээний нөхцөлийн дагуу ажлын график төлөвлөгөө, технологи аргачлалыг гаргаж, орон нутгийн удирдах байгууллагуудтай хамтран байгаль орчин, хөдөлмөрийн аюулгүй байдал, эрүүл ахуйн шаардлагыг ханган ажиллаж гүйцэтгэсэн байна гэж Зам, тээврийн хөгжлийн яамнаас мэдээллээ.


Онгийн голын гүүр ашиглалтад орлоо  
Үзсэн: 722 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй