Шууд Chart

Өсвөрийн аврагчид шилдгүүдээ шалгаруулав

2021-11-29 09:34:49

Баянхонгор аймгийн Онцгой байдлын газраас сумын Засаг даргын Тамгын газар, Гэр бүл хүүхэд залуучдын хөгжлийн газар, Улаан загалмай хороотой хамтран “Өсвөрийн аврагч-2021” тэмцээнийг зохион байгууллаа.

“Өсвөрийн аврагч” бүлгийн сурагчдад болзошгүй гамшиг, аюулт  үзэгдэл, осол, гэмтэл, бэртлээс урьдчилан сэргийлэх, эрсдэлийг бууруулах, аюулгүй амьдрах арга ухааны мэдлэг эзэмшүүлэх зорилготой тус тэмцээнд 5 ерөнхий боловсролын сургуулийн ахлах ангийн 35 сурагч оролцож, хурд хүч, авхаалж самбаагаа сорин өрсөлдөж, аваргуудаа шалгаруулсан юм.

Тэмцээний нийлбэр дүнгээр Эрдэнэмандал ахлах сургуулийн Б.Номин ахлагчтай бүлэг “тэргүүн байр”, Политехник коллежийн З.Өлзийбуян ахлагчтай бүлэг “дэд байр”, Номгон сургуулийн Э.Очирсум ахлагчтай бүлэг “гутгаар байр”-ыг тус тус эзэллээ гэж Баянхонгор аймгийн Онцгой байдлын газраас мэдээллээ.


Өсвөрийн аврагчид шилдгүүдээ шалгаруулав  
Үзсэн: 1910 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй