Зэвсэгт хүчний 016 дугаар нэгтгэлийнхэн алба, салбар сурталчлах аяныг өрнүүлж байна. Аяны хүрээнд Авто хуягт, техникийн албанаас байнгын бие бүрэлдэхүүний дунд "Миний автомастер" , "Дөрвөн бэрх" зэрэг уралдаан, тэмцээнүүдийг зохион байгуулж явууллаа. “Миний автомастер” тэмцээнд мотобуудлагын батальон, Хими, биологиос хамгаалахын алба тэргүүн байруудыг эзэлсэн бол “Дөрвөн бэрх” тэмцээнд нэгдүгээр байрт танкийн батальон, хоёрдугаар байрт ар тал, гуравдугаар байрт артиллерийн дивизоны багууд тус тус шалгарлаа. Алба, салбар сурталчлах шилжин явах тугийг мотобуудлагын батальонд шилжүүлэн өгсөн юм гэж Хуурай замын цэргийн командлалаас мэдээллээ.