Шууд Chart

Боловсролын байгууллагуудын уялдаа холбоог сайжруулах шаардлагатай байна

2022-05-23 13:13:23

Боловсрол, шинжлэх ухааны яам болон харьяа байгууллагуудын удирдлагууд МУБИС-д ажиллав. Энэ үеэр МУБИС-ийн багш, оюутны сургалт-лаборатори, хичээлийн хэрэглэгдэхүүн, аргазүйн инновацуудтай танилцсан.

Байгалийн ухааны хичээлийг сонирхолтой өрнүүлэхийн тулд ЕБС-д хэрэглэх боломжтой сургалтын хэрэглэгдэхүүнээс эхлээд цэцэрлэгийн багшийн гарын авлага, хэрэглэгдэхүүн, цахим, зайн сургалтын модуль гээд олон бүтээлийг багш нар дэлгэж тавьсан байлаа. Цаашид сайн санаачилга, ашигтай сургалтын хэрэглэгдэхүүн бүрийг ерөнхий боловсролын сургуульд нийлүүлэх, олноор үйлдвэрлэхэд дэмжлэг үзүүлэх зэргээр хамтран ажиллахаар болов.

Боловсролын чиглэлээр үйл ажиллагаа явуулдаг байгууллагуудын хамтын ажиллагаа, харилцан мэдээлэл солилцох хурд удаан байгааг сайд энэ үеэр онцолж байлаа гэж Боловсрол, шинжлэх ухааны яамнаас мэдээллээ.


Боловсролын байгууллагуудын уялдаа холбоог сайжруулах шаардлагатай байна  
Үзсэн: 153 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй