Шууд Chart

Залуучуудыг хөдөлмөрт бэлтгэх “Оролцоо” төслийн сургалт амжилттай өндөрлөлөө

2022-09-26 12:17:40

Манай Улсын нийт хүн амын 30.0 хувь, хөдөлмөрийн насны хүн амын 46.0 хувийг 15-34 насны залуучууд эзэлж байна. Тэдний ажил, хөдөлмөр эрхлэх хүсэл сонирхлыг дэмжиж, хөдөлмөрт бэлтгэх, ажилтай, орлоготой болгоход чиглэсэн төслийн 2022 оны сургалтад нийтдээ 1248 залуу хамрагдсаны 451 нь 4 дүгээр ээлжийн оролцогчид юм.
 
Дөрөвдүгээр ээлжийн сургалтын үеэр нийслэл болон хөдөө орон нутгийн 251 ажил олгогч байгууллага 2150 нээлттэй ажлын байрыг танилцуулж, 314 оролцогч дадлага хийх байгууллагатайгаа гэрээ байгуулжээ.
Вакумжуулсан сургалтаар эх оронч үзэл төлөвшил, гэр бүл төлөвлөлт, иргэн хүний үүрэг хариуцлага, харилцааны ур чадвар зэрэг хувь хүний хөгжлийн олон талт цогц сургалтад хамрагдахаас гадна хөдөлмөрийн харилцаа, гарааны бизнес эрхлэх боломж зэрэг ажил хөдөлмөр эрхлэхэд нэн шаардлагатай мэдлэг олгосон.
 
Төслийн 4 дүгээр ээлжийн хаалтын арга хэмжээнд Жангум нэрээр олонд танигдсан өрхийн үйлдвэрлэгч А.Одончимэг Хан-Уул дүүргийн өрх толгойлсон, өөрийн гэсэн гэргүй оролцогчид өрхийн үйлдвэрлэлийн орлогоосоо Өргөө цагаан гэр бэлэглэж залуучуудад урам өгсөн нь арга хэмжээний онцлог үйл явдал боллоо.
 
Эх сурвалж: ХНХЯ

Залуучуудыг хөдөлмөрт бэлтгэх “Оролцоо” төслийн сургалт амжилттай өндөрлөлөө  
Үзсэн: 434 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй