Шууд Chart

С.Тунгалагтамир: Байгууллагууд ахмадын сан байгуулж, тэтгэвэрт бэлтгэх төлөвлөгөө гаргах нь чухал ач холбогдолтой

2022-09-28 10:31:02

Хүн амын бүлгүүдийн нийгмийн оролцоо, хөгжил, хамгааллыг сайжруулах зорилгоор 2021 онд ХНХЯ, МАОЭНХ, МҮЭХ, МҮХАҮТ хамтын ажиллагааны санамж бичиг байгуулсан.
 
Санамж бичгийн үйл ажиллагааны төлөвлөгөөнд Ахмад настны тухай хуулийн хэрэгжилтийг хангах, аж ахуйн нэгж байгууллагад Ахмадын сан байгуулах, Тэтгэвэрт бэлтгэх хөтөлбөрийн хэрэгжилтийг эрчимжүүлэх зэрэг арга хэмжээ тусгагдсан. Олон Улсын ахмадын өдрийг угтан “Ахмад настан, хөгжлийн бэрхшээлтэй иргэний эрхийг хангаж оролцоог нэмэгдүүлэхэд хувийн хэвшлийн үүрэг, оролцоо” сэдэвт хэлэлцүүлгийг өнөөдөр зохион байгуулж байна.
 
Ахмад настны тухай хуульд зааснаар аж ахуйн нэгж, байгууллага өөрийн төсөв, үйл ажиллагааны орлогоосоо цалингийн нийт сангийн гурав хүртэл хувьтай тэнцэх хэмжээний мөнгөн хөрөнгөөр “Ахмадын сан” байгуулна гэж заасны дагуу 2020 онд 1777 аж ахуйн нэгж, байгууллага, 2021 онд 3534 аж ахуйн нэгж байгууллага “Ахмадын сан” байгуулсан байна.
 
Аж ахуйн нэгжүүд Тэтгэвэрт бэлтгэх төлөвлөгөө, ахмадын сан байгуулж ажилласнаар ахмад настнуудад нийтлэг тулгардаг орлого багасах, амьжиргаа доройтох, нийгмийн харилцаа холбоо, оролцоо буурах, эрүүл мэнд муудах, стресс сэтгэл гутралд орох зэрэг нийгэм, эдийн засаг, сэтгэл зүйн тулгамдсан асуудлыг шийдвэрлэхэд чухал ач холбогдолтойг ХНХЯ-ны Хүн амын хөгжлийн бодлогын хэрэгжилтийн газрын дарга С.Тунгалагтамир онцоллоо.
 
Хэлэлцүүлэгт МАОЭНХ, Монголын ахмадын холбоо, аж ахуйн нэгж, байгууллагын төлөөлөл оролцож байна гэж ХНХЯ-наас мэдээллээ. 
 
 

С.Тунгалагтамир: Байгууллагууд ахмадын сан байгуулж, тэтгэвэрт бэлтгэх төлөвлөгөө гаргах нь чухал ач холбогдолтой  
Үзсэн: 233 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй