Үндэсний телевиз
Цагийн хүрд
Найм арваннэг
Ердөө сарын дараа буюу наймдугаар сарын 5-нд Инпонезийн Бали аралд Дэлхийн элсний II наадам эхлэх товтой байв. Гэвч Индонез улс эцсийн мөчид наадмыг зохион байгуулах боломжгүй болсноо мэдэгдсэн байна.
“Индонезын ҮОХ Дэлхийн элсний наадмыг зохион байгуулах боломжгүй болсонд үнэхээр харамсалтай байна” хэмээн Үндэсний олимпын хороодын холбооноос (ANOC) мэдэгдэв.
ANOC ирэх долоо хоногт шуурхай хуралдаж, Ерөнхий ассамблей зохион байгуулах газрыг судлахаар болсон байна.
Тус улсын Засгийн газар шаардлагатай төсөв мөнгийг гаргаж өгөөгүй тул наадам зохион байгуулах амлалтаасаа буцахаас аргагүйд хүрснийг Индонезын ҮОХ тайлбарлажээ.
Үндэсний олимпын хороодын холбоо албан ёсны сайтдаа “Наадамд оролцохоор бэлтгэж байсан 100 гаруй ҮОХ, мянга мянган тамирчид, хамтрагч түншүүд, олон улсын холбоод болон үнэнч хөгжөөн дэмжигчдээсээ уучлалт гуйж байна” хэмээн бичжээ.
Дэлхийн элсний анхдугаар наадам 2019 онд Катарын Доха хотноо болж, монголчууд 3х3 сагсан бөмбөгийн төрлөөр хүрэл медаль хүртэж байв.
Эх сурвалж: МҮОХ
| “Бали-2023” дэлхийн элсний наадам цуцлагдлаа | ||
| Үзсэн: 3085 | Mongolian National Broadcaster |
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.