Шууд Chart

НӨАТ-ын урамшууллын сугалаанаас 43 261 иргэн азтан болжээ

2024-02-21 17:14:00

Өнөөдөр буюу 2024 оны 02 дугаар сарын 21-ний өдөр НӨАТ-ын урамшууллын сугалааны тохирлын шууд нэвтрүүлэг шинэчлэгдсэн журмын дагуу ebarimt аппликэйшн болон Боловсрол суваг телевизээр орон даяар шууд явагдлаа.

Энэ удаагийн тохиролд 2024 оны 01 дүгээр сарын 01-нээс 31-ний өдрийн хооронд худалдан авалт хийж, 2024 оны 02 дугаар сарын 20-ны өдрийн 12 цаг 59 минутаас өмнө цахим төлбөрийн системд бүртгүүлсэн 42 918 745 баримт хамрагдсанаас:

8 орон таарсан 1,
7 орон таарсан 4,
6 орон таарсан 38,
5 орон таарсан 342,
4 орон таарсан 3958,
3 орон таарсан 38918 баримт тохиролд таарч азтан боллоо.

"Сугалааны тохирлоор урамшуулал олгох, түүнийг явуулах журам"-ын 3.8-д заасны дагуу урамшууллын зэрэг, ангиллаас хамаарч гарсан сугалааны үндсэн урамшууллын дүнг азтанд олгохдоо байршлын нэмэгдэл урамшууллын дүнгээр нэмэгдүүлж олгож байгаа юм.

Хамгийн олон азтан тохирол таарснаас хамгийн өндөр нь Сүхбаатар дүүрэг 12646 азтан,  Баянзүрх дүүрэг 5522 азтан, Баянгол дүүрэг 5498 азтан, Сонгинохайрхан дүүрэг 4539, Хан-Уул дүүрэг 4204 азтан , Чингэлтэй дүүрэг 3270, Орхон аймаг 809 азтан тохирол таарсан байна.

Цахим төлбөрийн баримт хэвлэлтийн өсөлтийн хувь хамгийн өндөр нь Хан-Уул дүүрэг +100%, Хөвсгөл аймаг +53%, Төв аймаг +43%, Увс аймаг +43%, Баянхонгор аймаг 41%, Баян-Өлгий 41%, Ховд 39%, Завхан  +39% байлаа.

Та илүү дэлгэрэнгүй мэдээлэл авах бол sugalaa.ebarimt.mn цахим хуудаснаас авах боломжтой юм.


НӨАТ-ын урамшууллын сугалаанаас 43 261 иргэн азтан болжээ  
Үзсэн: 1350 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2024-02-24 10:38
А
Зочин [127.0.0.xxx] 2024-02-21 21:50
энэ луйвар шүү миний нэг баримтийг цаанас нь балалцан бн лэ

Бидэнтэй нэгдээрэй