Үндэсний телевиз
Цагийн хүрд
Найм арваннэг
Монгол Улсын Засгийн газар 6.625 хувийн хүүтэй, 5 жилийн хугацаатай 500.0 сая ам.долларын бонд олон улсын санхүүгийн зах зээлд арилжаалж, “Номад”, “Сенчири II” бондоос буцаан худалдан авах байдлаар өрийн зохицуулалтыг хийлээ.
Хөрөнгө оруулагчдаас “Сенчири IV” бондыг худалдан авах анхдагч захиалга арилжаалах хэмжээнээс 8.2 дахин давж, 4.1 тэрбум ам.долларт хүрэв.
Энэ нь олон улсад Засгийн газрын бондын эрэлт өндөр байгаагаас гадна хөрөнгө оруулагчдын Монгол Улсад итгэх итгэл нэмэгдсэнийг харуулж байна.
Үүнтэй холбоотойгоор манай улсын бондын spread буюу эрсдэлийн нэмэгдэл 2.27 хувь болж, түүхэн доод түвшинд хүрч буурсан бөгөөд бондын хүүг хоёрдогч зах зээлийн хүүгээс доогуур тогтоох боломжийг бий болголоо.
“Сенчири IV” бондыг арилжаалах үеэр манай улсаас өндөр зээлжих зэрэглэлтэй Узбекстан, Бразил, Доминикан зэрэг улс бонд гаргасан боловч манай улс эдгээр улсуудаас 0.1-0.4 нэгж хувиар бага хүүтэй бонд гаргалаа.
Ингэснээр дотоодын аж ахуйн нэгжүүд олон улсын санхүүгийн зах зээлээс хямд өртөгтэй санхүүгийн эх үүсвэр татах боломж нээгдэж байна.
Засгийн газраас гадаад өрийн зохицуулалтыг ийнхүү амжилттай хийж, өрийн тогтвортой байдлыг сайжруулснаар 2026 оны "Номад" бондын үлдэгдэл төлбөрийг төсөв, эдийн засагт дарамтгүйгээр төлж барагдуулан гадаад өрийн хэмжээг бууруулж, улсын зээлжих зэрэглэлийг дахин ахиулах, улмаар макро эдийн засгийн тогтвортой байдлыг хангахад чухал алхам боллоо гэж Монгол Улсын Сангийн яамнаас мэдээллээ.
| “Номад”, “Сенчири-2” бондыг төлөх өрийн зохицуулалт хийв | ||
| Үзсэн: 413 | Mongolian National Broadcaster |
М.Золзаяа
Р.Слава
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.