Үндэсний телевиз
Цагийн хүрд
Найм арваннэг
Эрүүл мэндийн даатгалын цахим систем энэ оны дөрөвдүгээр сарын 01-ний өдрөөс улс орон даяар нэвтэрч эхэлсэн. Энэхүү систем орон даяар нэвтэрснээр иргэд эрүүл мэндийн даатгалын дэвтэр ашиглалгүйгээр иргэний үнэмлэхээ үзүүлэн эмнэлгийн тусламж үйлчилгээ авах боломж нээгдэж байгаа юм. Мөн хөнгөлөлттэй эмийг иргэний үнэмлэхээ үзүүлээд авах боломж бүрдлээ.
Та эмийн жор бичүүлэхдээ өрхийн эмч дээрээ очиж эмээ бичүүлээд эмийн санд ямар ч цаасан жоргүйгээр иргэний үнэмлэхээ үзүүлээд эмээ авна. Хөнгөлттэй эм авсан бол таны утсанд мессеж ирнэ. Хөнгөлттэй эм эрт дуусдаг эзэндээ очдоггүй хийдэл арилах юм.
“Эрүүл мэндийн даатгалын сангаас эмийн үнийн хөнгөлөлт үзүүлэх эмийн жагсаалт”-ыг 2016 онд шинэчлэн баталсан байдаг. Энэхүү цахим систем нэвтэрснээр та хөнгөлөлттэй эмийг зөвхөн харьяа дүүргээсээ гэлтгүй даатгуулагч иргэн өөрийн хүссэн цагтаа, хүссэн газраасаа авах боломжтой болж байна.
| Иргэний үнэмлэхээ үзүүлээд хөнгөлөлттэй эм авах боломж бүрдлээ | ||
| Үзсэн: 1489 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.