Цас, зудны улмаас малчид туйлдан зутарч, амь нас, эрүүл мэнд, амьжиргааны нөхцөл байдалд нь ноцтой аюул тулгарсны зэрэгцээ улс орны эдийн засгийн чухал тулгуур болсон мал аж ахуйн салбар хүнд байдалд ороод байгаа.
Улс орныхоо аюулгүй байдал, хүн ардын сайн сайхны төлөө ажиллаж байдаг Батлан хамгаалах салбар, Зэвсэгт хүчний нийт бие бүрэлдэхүүний зүгээс энэхүү байгалийн гамшгийг даван туулахад зориулж нэг өдрийн цалингаа  хандивлахын зэрэгцээ төрөөс зохион байгуулж буй байгаль цаг уурын хүндрэлийг арилгах ажилд машин техник, хүн хүчний туслалцаа үзүүлж эхлээд байна.