УДБЭТ-ийн хамт олон И.Штраусын “Сарьсан багваахай” гурван үзэгдэлт операттаг энэ сарын 15-нд сэргээн тоглох гэж байна. Тус тоглолтын ерөнхий найруулагчаар соёлын тэргүүний ажилтан Г.Эрдэнэбаатар, ерөнхий зураачаар урлагийн гавьяат зүтгэлтэн Г.Ганбаатар, ерөнхий удирдаачаар урлагийн гавьяат зүтгэлтэн Н.Туулайхүү,  ерөнхий хормейстерээр соёлын тэргүүний ажилтан Н.Дашбямба, концертмейстерээр гавьяат жүжигчин Б.Солонго болон С.Номин, Б.Намуун, Ү.Уртнасан, хөтлөх найруулагчаар соёлын тэргүүний ажилтан Б.Цэрэндаваа, хувцасны дизайнераар соёлын тэргүүний ажилтан Г.Оюун нар ажиллаж байна. Түүнчлэн И.Штраусын “Сарьсан багваахай” дуурийн гол дүрүүдэд:

Айзенштайн - М.Даваадорж

Розалинда – гавьяат жүжигчин С.Мөнгөнцэцэг

Франк - Л.Бүүвэйбаатар

Орловский - М.Дариймаа СТА

Альфред - Г.Шижирболд СТА

Фальк - Л.Болдцэрэн,

Блинд - Б.Мөнхбаяр

Адел - Б.Одонзаяа

Ида - Г.Энхнаран

Фрош - Б.Алтанхуяг СТА

Иван - Х.Бямбарагчаа нар тоглох аж.

Дашрамд дуулгахад, Австрийн нэрт хөгжмийн зохиолч Иохан Штраусын “Сарьсан багваахай” оперетта нь анх Австри улсын Вена хотноо 1874 онд тоглогдож байжээ. Энэхүү оператта нь өнөөг хүртэл Венийн хошин дуурийн оргил хэмээн тооцогддог.