Шууд Chart

Манай хөлбөмбөгчид Брунейд 35 хэмийн халуунд тоглоно

2019-06-11 12:48:55

“Катар 2022” ДАШТ болон 2023 оны Азийн аварга шалгаруулах тэмцээний урьдчилсан шатны эхний тоглолтууд өнгөрөгч долоо хоногт Азийн бүсэд эхэлсэн. Герман мэргэжилтэн Майкл Вайссаар удирдуулсан Монголын хөлбөмбөгийн шигшээ баг өнөөдөр түүхэн тоглолтоо хийнэ.

Монгол, Бруней Даруссаламын эхний тоглолт Улаанбаатарт болж манай баг 2:0-оор өрсөлдөгчөө хожиж, давуу эрхтэй болсон. Өнөөдөр Брунейн талбайд хариу тоглолт болох бөгөөд манай залуус тэнцэхэд цааш өрсөлдөх эрхээ авна. Монголын багийн дасгалжуулагч, Герман мэргэжилтэн Майкл Вайсс Брунейг зорихын өмнө хэлэхдээ “Талбайдаа хийсэн тоглолтод сэтгэл хангалуун байгаа.

Гэхдээ ганц тоглолтоор үр дүн шийдэгдэхгүй учир бид тайвширч болохгүй. Брунейд 35 хэмийн халуунд тоглоно. Тэнд нөхцөл байдал яаж өрнөхийг мэдэхгүй ч тухайн орчинд тааруулан гарааны бүрэлдэхүүнд өөрчлөлт хийнэ. Бидэнд маш сайн нөөц боломж байгаа. Брунейн тоглогчид өөрийн талбайд сайн бэлтгэгдсэн болохоор тэд сайн тоглож чадах баг. Бид дахин ялалт байгуулж, цааш тоглохыг хүсэж байна.” гэж хэлсэн юм.

Нийтэлсэн: Mонголын радио

Манай хөлбөмбөгчид Брунейд 35 хэмийн халуунд тоглоно  
Үзсэн: 1299 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй