ХХ зууны Монголын уран зохиолын төлөөлөгч, нэрт хүүрнэл зохиолч Ойдовын Цэндийн мэндэлсний 90 жилийн ойд зориулсан “Чулуутын цуурай богино өгүүллэгийн наадам энэ сарын 28-29-нд Архангай аймагт болно. Тус наадмын эхний даваанд хүүрнэл зохиолын богино хэлбэрээр бичдэг мэргэжлийн зохиолчид, утга зохиол сонирхон бичдэг залуу авьяастнууд, монгол хэл-уран зохиолын мэргэжлээр суралцдаг оюутан залуус бүтээлээ илгээсэн. Үүнээс зохиолч Ц.Ариунтуяагийн “Би аз жаргалтай хүн”, “Э.Батзолбоогийн “Нэг”, С.Баттулгын “Тэд...”, Б.Баярсайханы “Юм болзолгүй”, “Х.Нямхишигийн “Гурван шар чулуу” бүтээл дараагийн шатанд шалгарчээ.