- Өнөөдөр буюу 2019 оны зургаадугаар сарын 24-ний өдөр болох зарим үйл явдлын хураангуйг хүргэж байна –

Корпорэйт зочид буудал

09:00 цагт: “Хуурамч мэдээлэл ба төөрөгдөл- Иргэдийн мэдэх эрхийг хамгаалах нь” сэдэвт Монгол, Солонгосын анхдугаар чуулган Улаанбаатар хотноо болж байна. Энэ хүрээнд Монгол, Солонгосын талуудын хамтарсан хэвлэлийн хурал болно.

“Кемпински Хаан Палас” зочид буудал

09:00 цагт: "Асаргааны хэрэгцээ ба шийдэл" оролцогч талуудын хэлэлцүүлэг болно. Утас: 80019000

ХААИС

09:00 цагт: “Гамшгийг даван туулах чадавхийг сайжруулахад технологийн болон уламжлалт аргыг ашиглах нь” төслийн хаалтын хурал болно.

Сүхбаатарын талбай

09:30 цагт: Швейцарын холбооны улсын Үндэсний зөвлөлийн дарга, хатагтай Марина Кароббио Гүшэтти тэргүүтэй төлөөлөгчид Монгол Улсад албан ёсны айлчлал хийж байгаа. УИХ-ын дарга Г.Занданшатар тэднийг угтан авч, Чингис хааны хөшөөнд хүндэтгэл үзүүлнэ.

Төрийн ордон

09:40 цагт: Төлөөлөгчид хүндэт зочны дэвтэрт гарын үсэг зурж, хэлэлцээ хийнэ.

Нийслэлийн Мэргэжлийн Хяналтын Газар

10:30 цагт: Зөрчилтэй барилга, ухсан нүх, хөдөлмөрийн аюулгүй ажиллагаа алдагдсаны улмаас гарсан зөрчлийн талаар мэдээлэл хийнэ. Утас: 91887887

MN-Мэдээллийн төв

11:00 цагт: Т.Энхсайхан хэвлэлийн бага хурал хийнэ.

Авлигатай тэмцэх газар

11:00 цагт: Авлигатай тэмцэх газрын дэргэдэх Олон нийтийн зөвлөлөөс "Албан тушаалын гэмт хэрэгтэй тэмцэхэд сэтгүүлчдийн оролцоо, эрч хүч сэдвээр" нээлттэй уулзалт зохион байгуулна.

Дэлхийн банкны Монгол дахь суурин төлөөлөгчийн газар

11:00 цагт: Дэлхийн банкнаас гаргаж буй Төсвийн зардлын тойм судалгааг танилцуулах хэвлэлийн бага хурал болно. Утас: 99778587

Үндэсний мэдээллийн төв

11:30 цагт: Иргэний хөдөлгөөн болон төрийн бус байгууллагууд мэдээлэл хийнэ.

Маршалын гүүр

12:00 цагт: "Хурд" хамтлаг "Хайртай" соён гэгээрлийн аянаа эхлүүлнэ. Аяны хүрээнд 21 аймагт үнэ төлбөргүй тоглолт хийхээс гадна соён гэгээрлийн уулзалт, арга хэмжээ зохион байгуулна.