Их Британи Умард Ирландын Нэгдсэн Вант улсын иргэн 41 настай, эрэгтэй С өнгөрсөн сард гадаад хэлний гүнзгийрүүлсэн сургалттай, хувийн дунд сургуульд багшлахаар Монгол Улсад ирсэн аж. Цагдаагийн ерөнхий газрын Хар тамхитай тэмцэх газрын алба хаагчид гүйцэтгэх ажиллагааны үр дүнд уг этгээдийг өчигдөр өглөө 06:45 минутад Баянзүрх дүүргийн 16 дугаар хорооны нутаг дэвсгэрээс баривчилсан байна.

Уг иргэн баривчлагдах үедээ НҮБ-ын 1961 оны “Сэтгэцэд нөлөөт бодисын тухай конвенц”-ийн жагсаалтад багтдаг зургаан гр хар тамхи хадгалж байсан нь тогтоогджээ.

Мөн түүний биеэс шээсний шинжилгээ авч хар тамхи илрүүлдэг тестээр шалгахад хар тамхи хэрэглэсэн болох нь тогтоогдсон байна. Улмаар уг гадаадын иргэнд холбогдуулан эрх бүхий байгууллагаас эрүүгийн хэрэг үүсгэж, яллагдагчаар татан шалгалтын ажиллагааг явуулж байгаа жа. Түүнчлэн тухайн этгээдэд шүүхээс “хязгаарлалт тогтоох” буюу хилийн хорих тавих, таслан сэргийлэх арга хэмжээ авчээ.