Өчигдөр буюу энэ сарын 3-ны өглөө Дорноговь аймгийн Иххэт суманд хутганы шархтай иргэн нас барсан хэрэг гарчээ. Тодруулбал, энэ хэргийн талаар цагдаагийн байгууллагад "Хохирогч өөрийгөө хутгалсан" гэх дуудлага, мэдээлэл ирсэн байна.

Түүнчлэн уг дуудлагын мөрөөр Иххэт сумын хэсгийн төлөөлөгч, цагдаагийн ахлах дэслэгч Г.Бат-Эрдэнэ хэргийн газарт түргэн шуурхай очиж, ажиллан хохирогч Ө нь бусдад хутгалуулж амиа алдсан болохыг тогтоожээ. Түүнчлэн гэмт этгээдийг мэргэжлийн ур чадвар гарган баривчилсан бөгөөд мөрдөн шалгах ажиллагаа явуулж байна.