Үндэсний телевиз
Цагийн хүрд
Найм арваннэг
Дэлхийн эрүүл мэндийн байгууллага шинэ төрлийн коронавирусний халдварыг цар тахал гэж зарласны дараа Итали улс дэлгүүр, үйлчилгээний газруудаа хааж, хатуу дэглэм тогтоолоо. Италийн Ерөнхий сайд Жузеппе Конте хүнсний дэлгүүрээс бусад бүх төрлийн дэлгүүр, баар, ресторан, үсчний газрууд, компаниудын онц шаардлагагүй хэлтсүүдийн үйл ажиллагааг зогсооно гэж лхагва гарагт мэдэгдсэн. Хориг пүрэв гараг буюу өнөөдрөөс эхлэн гуравдугаар сарын 25 хүртэл хэрэгжих юм байна.
Итали улсын хэмжээнд 12 мянган хүн шинэ төрлийн коронавирусний халдвартай нь тогтоогдож, 827 хүн нас баржээ. Одоогоор 900 орчим хүн эрчимт эмчилгээ хийлгэж байна. Хөлбөмбөгийн «Ювентус» клубын тамирчин Даниеле Ругани халдварын шинжилгээгээр эерэг гарсан байна. Одоохондоо түүнд ямар нэг шинж тэмдэг илрээгүй гэж клуб нь мэдэгджээ.
| Итали улс дэлгүүр, үйлчилгээний газруудаа хааж, хатуу дэглэм тогтоолоо | ||
| Үзсэн: 771 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.