Үндэсний телевиз
Цагийн хүрд
Найм арваннэг
Дэлхийд хоногт дунджаар 7 сая 650 гаруй мянган хүн дархлаажуулалтад хамрагдаж байна. Энэ хурдаар явбал хоёр тунт вакцинаар дэлхийн нийт хүн амын 75 хувийг дархлаажуулахад дөрвөн жил шаардлагатай тооцоо гарчээ. 100 хүн тутамд 95.4 тун вакцин зарцуулсан үзүүлэлтээрээ Израил Улс дэлхийд тэргүүлж байна. 2021 оны 03 дугаар сарын 07-ны байдлаар 111 оронд 300 орчим сая тун вакцинаар дархлаажуулалт хийжээ.
COVAX хөтөлбөрийн хүрээнд БНЭУ-ын Serum хүрээлэнд үйлдвэрлэсэн “AstraZeneca” компанийн хөгжүүлсэн COVISHIELD вакциныг түгээх эхний шатны хуваарийг 2021 оны 03 дугаар сарын 02-ны өдөр шинэчлэн танилцуулсан байна.
Хуваарийн дагуу 2021 оны 05 дугаар сарыг дуустал хөтөлбөрт оролцогч 142 улсад 237 сая тун вакцин нийлүүлэх юм. Түгээж эхэлснээс хойш эхний 12 хоногт Африк, Ойрхи Дорнод, Ази, Номхон далайн болон Латин Америкийн 28 улсад 15.7 сая орчим тун вакцин хүргүүлсэн бөгөөд 2021 оны 03 дугаар сарын 08-14 хүртэлх дараагийн 7 хоногт 31 орон 14.4 сая тун вакцин хүлээн авах юм байна.
2021 оны 03 дугаар сарын 07-ны өдрийн байдлаар хүн амаа дархлаажуулж байгаа тэргүүлэх 10 орон:
| Улс | Хамрагдсан хүн /сая/ | Вакцины төрөл | |
| 1 | АНУ | 87.9 | Pfizer Moderna, Johnson&Johnson |
| 2 | БНХАУ | 52.5 | Sinopharm/Beijing Sinovac Cansino Sinopharm/Wuhan |
| 3 | Их Британи | 22.8 | Pfizer Moderna AstraZeneca |
| 4 | Энэтхэг | 20.6 | Bharat AstraZeneca |
| 5 | Бразил | 10.3 | Sinovac AstraZeneca |
| 6 | Турк | 9.9 | Sinovac |
| 7 | Израил | 8.6 | Pfizer Moderna |
| 8 | ОХУ | 75 | Sputnik V |
| 9 | ХБНГУ | 7.3 | Pfizer Moderna AstraZeneca |
| 10 | АБНЭУ | 6.2 | Pfizer Gamaleya Sinopharm/Beijing |
| Одоогийн хурдаар явбал дэлхийн хүн амын 75 хувийг дархлаажуулахад дөрвөн жил шаардлагатай | ||
| Үзсэн: 911 | Mongolian National Broadcaster |
Р.Слава
Шог зураач Л.Мөнхбат
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.