Шууд Chart

Гавьяат тамирчин Э.Цэндбаатар маргааш Кени улсын боксчинтой эхний тулаанаа хийнэ

2021-07-23 20:22:53

“Токио-2020” зуны XXXII олимпын наадмын боксын төрөлд оролцох Монголын шилдэг боксчин, Монгол Улсын гавьяат тамирчин, ДАШТ-ий хүрэл медальт, Азийн наадмын аварга /2018/, Ази тивийн 2021 оны аварга, Үндэсний шигшээ баг, ШШГЕГ-ын харьяа “Сүлд” спорт хорооны тамирчин Э.Цэндбаатар маргааш эрэгтэйчүүдийн 57 кг-д Кени улсын тамирчин Окоч Николас Оконготой эхний тулаанаа хийнэ.

Тулаан Улаанбаатарын цагаар энэ сарын 24-ний 19:51 цагт эхлэх бөгөөд түүний өрсөлдөгч Окоч Николас Оконго 38 настай ахмад боксчин учраас Э.Цэндбаатар оноогоор илүүрхэн ялах магадлал маш өндөр.

Ташрамд дуулгахад, “Токио-2020” олимпын наадмын боксын төрөлд хурд, хүч, авхаалж самбаа, оюун ухаан, ур чадвараа сорин өрсөлдөхөөр эрэгтэйчүүдийн 8 жинд 187,  эмэгтэйчүүдийн 5 жинд 102 боксчин, нийт 13 жинд 289 тамирчин энэ сарын 24-нөөс ирэх сарын 8-ны өдөр хүртэл нийтдээ 276 тулаан хийж Зуны  XXXII олимпын наадмын аваргын алт болон мөнгө, хүрэл медальтнуудаа шалгаруулна.

Нийтэлсэн: Т.Болор-Эрдэнэ

Гавьяат тамирчин Э.Цэндбаатар маргааш Кени улсын боксчинтой эхний тулаанаа хийнэ  
Үзсэн: 2151 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй