Шууд Chart

Мьянмар АСЕАН-ы дээд хэмжээний уулзалтыг өнжлөө

2021-10-27 14:31:49

Энэ нь цэргийн Хунтыг нь уриагүй АСЕАН-ы шийдвэрийг эсэргүүцэж байгаагийн илэрхийлэл гэж хэвлэлд онцолжээ.

Дипломат эх сурвалжийн мэдээлснээр энэхүү цахим уулзалтанд Мьянмарын төлөөлөгч оролцоогүй байна. АСЕАН-ы гишүүн орнууд холбооныхоо дээд хэмжээний уулзалтанд оролцохгүй байх тохиолдол маш ховор байдаг. Харин АСЕАН Мьянмарын төрийг удирдаж байгаа цэргийн Хунтыг бус Гадаад харилцааны яамны өндөр албан тушаалтныг ээлжит дээд хэмжээний уулзалтандаа урьжээ. Мьянмарын цэргийн эрх мэдэлтнүүд төр засаг удирдаж байгаа цэргийн Хунтыг уриагүй АСЕАН-ы шийдвэрийг улс орны дотоод хэрэгт хөндлөнгөөс оролцохгүй байх суурь зарчмаа зөрчсөн алхам гэж хэд хэдэн удаа шүүмжилжээ.

АСЕАН-ы эрх баригчид энэ удаагийн цахим дээд хэмжээний уулзалтаараа Мьянмарт үүсээд байгаа хямралыг авч хэлэлцсэн болов уу гэсэн таамаг байна. Мьянмарт өнгөрсөн 2 дугаар сард цэргийнхэн төрийн эргэлт хийснээс хойш улс төр, нийгмийн хямралтай байгаа юм. Мьянмарын цэргийнхэн төрийн эргэлтийг эсэргүүцсэн ард иргэдийн жагсаалыг хүчээр дарж, эсэргүүцлийн хөдөлгөөний удирдагчийг баривчилж, шийтгэж байгаа аж. Аюулгүйн хүчний тооцоолсноор төрийн эргэлт гарснаас хойш Мьянмарт 1200 орчим энгийн иргэн амь насаа алджээ.

Нийтэлсэн: Moнголын мэдээ

Мьянмар АСЕАН-ы дээд хэмжээний уулзалтыг өнжлөө  
Үзсэн: 440 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй