Шууд Chart

Узбекистан улсын Гадаад харилцааны яамны төлөөлөлтэй уулзав

2021-11-30 10:25:47

Европын Аюулгүй Байдал, Хамтын Ажиллагааны Байгууллагын Ардчилсан институт, хүний эрхийн албанаас 2021 оны 11 дүгээр сарын 24-25-ны өдрүүдэд Узбекистан Улсын Ташкент хотноо зохион байгуулсан “Эрүүгийн шударга ёсны асуудлаарх Төв Азийн мэргэжилтнүүдийн 8 дугаар уулзалт”-д монголын талаас Гадаад харилцааны яамны Олон улсын гэрээ, эрх зүйн газрын захирал С.Сүхболд тэргүүтэй төлөөлөгчид оролцсон.

Ташкент хотноо 2021 оны 11 дүгээр сарын 26-ны өдөр тэр бээр тус улсын Гадаад харилцааны яамны Гэрээ, эрх зүйн газрын дарга профессор Комил Рашидовтай ажлын уулзалт хийв.

Талууд хөдөө аж ахуй, хөнгөн үйлдвэрийн бүтээгдэхүүний импорт, экспортыг нэмэгдүүлэх, дэмжих тухай хэлэлцээр, мөн хоёр улсын Гадаад харилцааны яамд хоорондын төлөвлөгөөний төслийг тус тус ойрын хугацаанд тохиролцох чиглэлээр санал солилцов.


Узбекистан улсын Гадаад харилцааны яамны төлөөлөлтэй уулзав  
Үзсэн: 374 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй