АНУ-ын Мичиган мужийн Детройт хотоос хойд зүгт 73 километрийн зайд орших Окланд дүүргийн хотын захын нэгэн ахлах сургуульд буудалцаан болж, гурван сурагч амиа алдаж, найман сурагч, нэг багш шархаджээ.

Халдлагын үеэр 16 настай хүү, 14 болон 17 настай охин амиа алдсан гэж албаны хүмүүс мэдэгдлээ. Цагдаа нарын мэдээлснээр 15 настай сэжигтэн ганцаараа хагас автомат гар буугаар 15-20 удаа гал нээжээ.

Албаныхны мэдээлснээр сэжигтэн хоёрдугаар курсын эрэгтэй сурагч бөгөөд цагдаа нарт дуудлага өгснөөс хойш таван минутын дараа бууж өгсөн байна.

Шархадсан хүмүүсийн хоёр нь хагалгаанд орсон бол үлдсэн зургаагийнх нь биеийн байдал хэвийн, бууны шархтай байгаа юм байна.

Өнгөрсөн жил коронавирусний үеэр орон даяар тогтоосон хөл хорионы дараа сургуулиуд эргэн цуглах үед сургуулийн ойр орчимд буугаар гал нээсэн 138 халдлага гарсан байна. Ийм халдлагын тоо 2021 онд дахин нэмэгджээ.