Үндэсний телевиз
Цагийн хүрд
Найм арваннэг
Өчигдрийн байдлаар Хангай нурууны өврийн Тээл, Хомын хоолой, Алтай нуруунаас эхтэй Буянт, Их Хянганы нурууны Халх гол Ялалт баг орчимд үерийн түвшинг 5-20 см, Хөвсгөлийн уулсаас эхтэй Дэлгэрмөрөн, Үүр, Шишхэд, Хангай нуруунаас усжих Идэр, Чулуут, Урдтамир, Буянт, Хожуул, Завхан, Байдраг, Онги, Хэнтий нурууны баруун хажуугийн Шарын гол, Ерөө, Туул, зүүн хажуугийн Хурх, Балж, Хэрлэн, Халх гол болон Алтай нурууны Ховд, Буянт, Сагсай, Долооннуур, Хархираа, Сэлэнгэ мөрний нийт уртын дагууд олон жилийн дундаж түвшинг 20-60 см тус тус давсан байна.
Иймд дээрх гол, мөрний сав газраар нутаглаж буй малчид, ард иргэдийг шар усны үерээс болгоомжлох, баталгаатай зам, гүүрээр зорчиж аюулгүй байдлаа хангахыг Онцгой байдлын ерөнхий газраас онцгойлон анхааруулж байна.
Мөн энэ сар гарсаар Хан-Уул, Баянзүрх, Багануур дүүрэгт 13-33 насны дөрвөн хүн голд осолдсон байна. Зуны улиралд бага насны хүүхдүүд аливаа аюул, осолд өртөх эрсдэлтэй байдаг. Иймд, цэцэрлэг, сургуулийн амралт эхэлсэн, зуны улиралд ихэвчлэн хүүхэд, багачууд голын эрэг дагуу тоглох, гол усанд орох, тогтоол ус туучиж тоглох зэргээр гол усанд осолддог тул хүүхдэд тавих анхаарлаа дээшлүүлэхийг эцэг эхчүүд, асран хамгаалагчдад анхааруулж байна.
| Зургаадугаар сар гарсаар дөрвөн хүн усанд осолджээ | ||
| Үзсэн: 821 | Mongolian National Broadcaster |
Шог зураач Л.Мөнхбат
А.Ариунзаяа
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.