Шууд Chart

Канад Улсын SEMEX компанийн төлөөлөлтэй цахимаар уулзав

2022-01-26 12:43:44

Монгол-Канадын Хөдөө аж ахуйн хамтарсан хорооны III хурлын мөрөөр Монгол Улсын Хүнс, хөдөө аж ахуй, хөнгөн үйлдвэрийн яам болон Канад Улсын SEMEX компани хоорондын анхдугаар уулзалтыг цахимаар зохион байгуулав.

 

SEMEX нь Канадын фермерүүдийн үүсгэл санаачилгаар байгуулагдсан, 80 гаруй оронд бүтээгдэхүүнээ экспортолдог, Европ, Америк тивд үрийн үйлдвэртэй тэргүүлэх компани юм.

Уулзалтын үеэр SEMEX-ийн мах, сүүний чиглэлийн малын чанар, үүлдэр угсааг сайжруулах Progenesis, Boviteq, Immunity+ технологи, уугуул малын үүлдэр, омгийг үржил селекцийн технологиор гойд ашигт шимтэй болгох хамтын ажиллагааны туршлагын талаар SEMEX-ийн Дэд ерөнхийлөгч М.Маккреди танилцууллаа. 

Хүнс, хөдөө аж ахуй, хөнгөн үйлдвэрийн яамны Мал аж ахуйн бодлогын хэрэгжилтийг зохицуулах газраас төрөөс мал аж ахуйн салбарт баримтлах бодлого, малын генетик, удмын сан, эрүүл мэндийг хамгаалах эрх зүйн орчин, эрчимжсэн мал аж ахуйг хөгжүүлэх бодлогыг танилцуулсан юм.

Генетикийн салбарт хамтран ажиллахад хоёр талын эрх зүйн орчныг боловсронгуй болгох шаардлага байна. Удаах хурлаар SEMEX генетикийн бүтээгдэхүүнийг импортлох, орон нутагт түгээх, түүнийг хэрэглэх арга ажиллагааны талаар нарийвчлан хэлэлцэхээр тохиров.

Газар нутаг, байгаль, эрс тэс цаг агаарын ижил нөхцөлтэй Канад Улсаас малын генетикийн өндөр технологийн бүтээгдэхүүн импортолж нутагшуулах, мэргэжилтэн бэлтгэх, хамтарсан судалгаа, үржил селекцийн чиглэлээр ажиллах өргөн боломж байна гэж үзэж байна.

Эх сурвалж: ХХААХҮЯ


Канад Улсын SEMEX компанийн төлөөлөлтэй цахимаар уулзав  
Үзсэн: 363 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй