Шууд Chart

С.Шатарыг “Хүндэт дэвтэр”-т алдаршуулав

2022-01-26 16:14:31

С.Шатар нь шинжлэх ухааны салбарын соён гэгээрүүлэгч бөгөөд Монгол улсад Химийн бие даасан хүрээлэн байгуулах ажлыг анх санаачлан зохион байгуулсан эрдэмтдийн нэг юм. Түүнийг олон жил шинжлэх ухааны төлөө эргэлт буцалтгүй, өөрийн мэдлэг чадвар, хүч хөдөлмөрөө зориулан ажиллаж ирснийг өндрөөр үнэлж ийнхүү алдаршуулж байгаа юм байна.

С.Шатар нь 1961 оноос эхлэн ШУА-д тасралтгүй 60 жил ажилласан байна. Тэрээр 1961 онд УБИС-ийг Хими-биологийн багш мэргэжлээр төгсчээ. Улмаар 1974 онд “Монгол орны баруун хойт нутгийн мөнх ногоон ургамлын эфирийн тосны  бүтээгдэхүүн” сэдвээр химийн шинжлэх ухааны дэд эрдэмтэн, 1993 онд шинжлэх ухааны докторын зэрэг хамгаалжээ.  С.Шатар ажиллах хугацаандаа эфирийн тосны химийн судалгааг удирдаж, монгол орны байгаль, цаг уурын нөхцөлд нутагшуулсан, үйлдвэрлэлд ашиглах ирээдүйтэй эфирийн тост таримал бий болгох агро-биологи, хими-технологийг боловсруулах ажлыг хийж гүйцэтгэсэн байна.

С.Шатарын 100 гаруй бүтээл нь олон улсын мэдээллийн санд бүртгэгдэж, гадаадын судлаачид түүний 60 гаруй бүтээлийг зохиол бүтээлдээ ишлэл татсан байна.  Тэрбээр эфирийн тос, үнэртний үйлдвэрийн эх суурийг үндэслэсэн техник, технологийн 230 гаруй бүтээлийг үйлдвэрлэлд туршин нэвтрүүлсэн, олон улсын түвшинд судалгаагаа амжилттай хөгжүүлсэн судлаач юм.

Шинжлэх ухааны академи


С.Шатарыг “Хүндэт дэвтэр”-т алдаршуулав  
Үзсэн: 422 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй