- Төрөл бүрийн нянгаар үүсгэгдэнэ.

- Амны хөндийн ариун цэврийг муу сахидаг, шүд цоорсон хүүхдүүд ангинаар амархан өвчилдөг.

- Багаас нь хэт бэгнэж сургасан хүүхдэд халууцсан үед нь хүйтэн юм уулгах, хүйтэн усанд хөлөө дүрэх, даарах үед амархан цочирдог.

 

Нилээд эртнээс улбаатай уг өвчнийг иргэд ардын уламжлалт арга, эм тан, домоор эмчилдэг байсан нь өнөө ч уламжлагдан ирсэн байдаг. Жишээ нь ам нь гэмтсэн хүүхдийг нагацынх нь морины хазаарын халуун амгайгаар домнодог арга байдаг.

 

Ам гэмтэх нь дангаараа илэрхээс гадна бусад өвчний тухайлбал улаан бурхан корь, улаан эсэргэнэ, ханиад томуу, хумхаа долоох герпес ,мөөгөнцөрийн төрлийн өвчний үед дагалдан илрэх нь бий. Энэ тохиолдолд биеийн эсэргүүцэл нь суларсан хүүхдийн амны хөндийд агуулагдан байсан нянгууд идэвхжин салстыг гэмтээж, үрэвсүүлснээс ам гэмтэх шалтгаан болдог.

 

Нярай хүүхдийн аман дотор, хэлэн дээгүүр цагаан зүйл гарч, хүүхдийн бие чилээрхэн, хоол нойрондоо муудах, уурлаж уцаарлан тавгүйтэх, халуурах шинжүүд илэрдэг нь ам гэмтсэн гэж оношлогддог. Биеийн эсэргүүцэл суларсан, амин дэм дутагдсан, хүүхдийн амыг цэвэрлээгүйгээс эхийн сүү буйлны завсарт үлдэн гашилж мөөгөнцөр үүсэх шалтгаан болдог. Хүүхдийн амыг сахарын уусмалаар арчиж цэвэрлэснээр цагаан өнгөр амархан арилж эдгэрдэг.

 

Харин насанд хүрэгсдийн хувьд ам гэмтэх нь төдийлэн элбэг тохиолдоггүй ч чихрийн шижин, ходоод гэдэсний архаг өвчтэй хүмүүс, бусад хүнд өвчний улмаас амин дэмийн дутагдалд орсон хүмүүст, тэрчлэн антибиотик төрлийн эмийг удаан хугацаагаар хэрэглэсэн тохиолдолд хүндрэл байдлаар илрэх нь бий. Ийм байпдлаар илэрсэн тохиолдолд бие даасан мөөгөнцөрийн өвчин болж даамжрах бөгөөд бусад хүмүүст халдварлах аюултай.

 

Ер нь аливаа төрлийн мөөгөнцөрийн өвчин халдвартай байдгийг анхаарч тухайн хүний хэрэглэж байсан хувцас, гутал зэргийг ойр ойрхон солих, сайтар угааж цэвэрлэн ариутгах, өрөө тасалгаандаа цэвэр агаар тогтмол оруулж байх шаардлагатай.