МҮОНРТ, Монголын хөрөнгийн биржтэй хамтран явуулах "Ногоон сум" төслийн нээлт өнөөдөр Өвөрхангай аймгаас эхэллээ.

Монголын хөрөнгийн зах зээлийг олон нийтэд сурталчлах зорилготой дээрх шоуны баг МҮОНРТ-ийн байрнаас хүлгийн жолоо залав.

Ц.Цэнд: Иргэдэд хувьцаагаа хэрхэн авах, орлогоо яаж хамгаалах талаар мэдээлнэ

Энэ үеэр “Ногоон сум” төслийн гүйцэтгэх продюсер нь Ц.Цэндээс тодруулга авсан юм. Тэрбээр “Өмнөх хувьчлалуудаас бидний олж авсан туршлага бол мэдээлэлд ойр байсан хүмүүст давуу тал бий болсон. Өнөөдөр хөрөнгийн зах зээлгүйгээр улс орны битгий хэл айл өрхийн орлого ч гэсэн өндөр түвшинд байхад хэцүү цаг үе болчихоод байна. Хөрөнгийн зах зээлийн арилжаа бол технологио түшиглэсэн. Тэгвэл МҮОНТ, “Монголын мэдээ” сувгийн үндсэн үүрэг бол иргэдийн мэдэх эрхийг хангах. Яг энэ мэдэх эрхийг хангахын тулд Өвөрхангай, Архангай аймгаас “Ногоон сум” аяныхаа нээлтийг хийж байна. Ирэх зургаадугаар сарын 30-нд дуусгавар болоод арилжаа нь эхлэх нээлттэй болох системийн нөлөө бүхий таван банкны хувьцааг гаргана. Мөн уг хувьцааг яаж авах, авсан хувьцаагаараа иргэд орлогоо хэрхэн хамгаалах юм бэ зэргийг олон нийтэд мэдээллэх юм” байна.