Энэтхэгийн хойд нутгаар цаг агаар хэт халж байгаагаас цэвэр ус, эрчим хүчний хэрэглээ эрс өсөж, улмаар цэвэр ус, эрчим хүчний хомсдол үүсэж байгаа юм байна. Нийслэл Шинэ Дэли хотод цаг агаарын хэм сүүлийн хэдэн 7 хоногт цельсийн 45 хэм давж, аюултай түвшинд хүрч өсчээ.

Тус улсын иргэд хэт халуунд цохиулахгүйн тулд цэвэр ус авахаар өдөр бүр урт дараалалд зогсож байна. Энэтхэгт энэ жилийн зун эрт эхэлжээ. Тус улсад сүүлийн 100 гаруй жилийн хугацаанд тохиосон хамгийн халуун зун өнгөрсөн 3 дугаар сард тохиожээ. 4 дүгээр сараас хойш ихэнх өдрүүдэд тус улсын хэд хэдэн газарт цаг агаар цельсийн 40 хэм давж халж байна.

Амьтад ч мөн адил хэт халуун асуудал үүсгэж байгаа аж. Пуна хотын амьтны хүрээлэн амьтдыг хэт халууныг тэсвэрлэхэд нь туслах үүднээс сэнс, ус цацагч, ус хөргөгч зэргийг суурилуулжээ.

Ойрын хэдэн 7 хоногт ихэнх нутгаар хэт халуун үргэлжлэх төлөвтэй байгаа учраас Энэтхэгийн хэд хэдэн мужийн засаг захиргаа дор бүрнээ халууны даван туулах арга хэмжээ авч байгаа юм байна.