Шууд Chart

Монгол Улсад суугаа Дипломат төлөөлөгчийн газрууд мод тарих үйл ажиллагаанд нэгдлээ

2022-05-16 12:45:45

Монгол Улсын Ерөнхийлөгчийн зарлигаар өнгөрөгч 2021 оноос Эх дэлхий, байгаль орчноо хайрлах, зохицон амьдрах монгол уламжлал, зан заншлаа эрхэмлэн, дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалж, нэмэгдүүлэх экологийн тэнцвэрт байдлыг хангах зорилгоор “Тэрбум мод” үндэсний хөдөлгөөнийг орон даяар өрнүүлж байгаа.

Үүний дагуу нийслэл дэх мод тарих үйл ажиллагааны хүрээнд “Ногоон хот- иргэний оролцоо” мод тарих аяны нээлтийн арга хэмжээ 2022 оны 5 дугаар сарын 14-ний өдөр Улаанбаатар хотын Налайх дүүргийн “Шинэ цэцэрлэгт хүрээлэн”-д болов.

Энэхүү арга хэмжээг Монгол Улсын Их хурлын гишүүн, Засгийн газрын гишүүн, Шадар сайд С.Амарсайхан, Гадаад харилцааны сайд Б.Батцэцэг нар нээж үг хэлэв.

Мод тарих үндэсний хөдөлгөөнд 22 улсын Монгол Улсад суугаа Дипломат төлөөлөгчийн газар, Олон улсын байгууллага, Монгол Улсын Соёлын элч, Гадаад харилцааны яамны албан хаагчид дахин нэгдэж, 2021 онд тарьсан моддыг арчилгаа, усалгааг хийж, шинээр мод тарих ажилд оролцов.


Монгол Улсад суугаа Дипломат төлөөлөгчийн газрууд мод тарих үйл ажиллагаанд нэгдлээ  
Үзсэн: 1016 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй