Шууд Chart

ХБНГУ Катар улстай эрчим хүчний түншлэлийн гэрээ байгуулав

2022-05-22 10:59:11

Герман улс ОХУ-ын газрын тосноос хамааралтай байдлаа бууруулах зорилгоор Арабын Булангийн Катартай эрчим хүчний түншлэлийн гэрээ байгуулжээ. Тус гэрээнд Германы сангийн сайд, Катарын эрчим хүчний сайд нар Берлин хотноо гарын үсэг зурсан байна.

ОХУ 2 дугаар сарын 24-нд Украинд цэрэг оруулснаас хойш Европын хамгийн том эдийн засгуудын нэг Герман улс эрчим хүчний импортоо төрөлжүүлэх зорилт тавиад байгаа юм. Германы хувьд эрчим хүчний аюулгүй байдал хамгийн чухал үүрэг гүйцэтгэдэг, Герман улс эрчим хүчний дэд бүтцийнхээ хөгжлийг урагшлуулахад Катар улс гол үүрэг гүйцэтгэнэ гэдгийг канцлер Олаф Шольц Катарын Эмиртэй хэвлэлийн бага хурал хийх үеэрээ мэдэгджээ.

Катарын тал ч эрчим хүчний аюулгүй байдлыг хангах нь шилжилтийн үед ч мөн чухал болохыг тэмдэглэсэн байна. Герман улс Катартай адил байгалийн хий нийлүүлэгчдээсээ хий авахын тулд шингэрүүлсэн хий нөөцлөх 2 терминал барихаар төлөвлөжээ.

Катар нь шингэрүүлсэн байгалийн хийн экспортоор дэлхийд Орос, Америкийн дараа 3 дугаарт жагсдаг. Энэ гэрээний дагуу Катар 2024 онд Германд шингэрүүлсэн байгалийн хий нийлүүлж эхлэхээр төлөвлөж байгаагийн зэрэгцээ Европыг хийн хамгийн сонирхолтой зах зээл гэж тодорхойлж байна. 2024 оноос Катар нь Германы хийн нийт хэрэглээний 20-25 хувийг хангах юм байна. Одоогоор ОХУ Германы байгалийн хийн хэрэглээний гол нийлүүлэгч юм.

Нийтэлсэн: Moнголын мэдээ

ХБНГУ Катар улстай эрчим хүчний түншлэлийн гэрээ байгуулав   
Үзсэн: 145 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй